Вашынгтон Дзьверы ў НАТА застаюцца адчыненымі для новых сябраў. Такую заяву зрабіў сёньня дзяржсакратар ЗША Колін Паўэлл, выступаючы перад міжнароднай камісыяй сэнату. Ён сказаў, што Вашынгтон вітае заяўкі на ўступленьне ў альянс Албаніі, Харватыі, Макэдоніі і іншых краінаў, якія пажадаюць стаць сябрамі НАТА. Паўэлл заклікаў Сэнат ратыфікаваць пратакол аб ўступленьні ў НАТА 7 новых краінаў. Гэтае рашэньне было прынятае летась на сіміце Паўночна-атлянтычнага альянсу ў Празе.