(Тбілісі) Прэзыдэнт Грузіі Эдуард Шэварднадзэ заявіў, што ён загадаў сілам бясьпекі краіны прыняць дадатковыя захады, каб ніводзін замежны ваяўнік не заставаўся на грузінскай тэрыторыі. Шэварднадзэ назваў пасьпяховай нядаўнюю апэрацыю па выдаленьні з краіны замежных ваяўнікоў, праведзеную міністэрствамі ўнутраных справаў і нацыянальнай бясьпекі. Аднак, паводле ягоных словаў, пэўная колькасьць падазроных асобаў усё яшчэ застаюцца ў Панкіскай даліне, на мяжы з Чачэніяй. Раней Масква пагражала Тбілісі вайсковымі ўдарамі па трэніровачных лягерах чачэнскіх ваяўнікоў на тэрыторыі Грузіі