МАДРЫД. Гішпанская паліцыя знайшла падпольнае сховішча выбуховых рэчываў, якія належалі групоўцы баскіх незалежнікаў ЭТА. Паводле Міністэрства ўнутраных справаў Гішпаніі, у кватэры каля места Сан Сэбасцьян былі схаваныя 30 кіляграмаў выбуховых рэчываў і дэтанатар.
Групоўка ЭТА ўжо 30 гадоў змагаецца за стварэньне незалежнай дзяржавы баскаў на тэрыторыі Гішпаніі і Францыі. Цягам гэтага змаганьня незалежнікі забілі больш за 800 асобаў.