(Ташкент) Лідэр апазыцыйнай узьбецкай партыі “Эрк” (Свабода) Атаназар Арыпаў быў сёньня выпушчаны пасьля некалькіх гадзінаў затрыманьня перад маючай адбыцца сустрэчай актывістаў партыі. Арыпаў паведаміў, што яго затрымалі ў ягоным доме ў Ташкенце некалькі чалавек – нібыта для таго, каб даставіць на размову ў Міністэрства ўнутраных справаў з высокапастаўленым чыноўнікам. Паводле Арыпава, іх мэтай было не дапусьцьць ягонага ўдзелу ў партыйнай сустрэчы. Ён правёў некалькі гадзінаў у пустым пакоі, дзе яго ніхто не дапытваў. Партыя “Эрк”, якая дамагалася незалежнасьці Узьбекістану з 80-га году, была зьліквідаваная ўладамі ў 90м. Затрыманьне Арыпава адбылося перад сустрэчай ягоных прыхільнікаў, якія меліся прыняць зварот да ўладаў з просьбай аб перарэгістрацыі партыі.