БЭРЛІН. Бэрлінская паліцыя выклікала падмацаваньне ў сувязі з дэманстрацыямі, якія чакаюцца заўтра, у часе прыезду ў сталіцу Нямеччыны прэзыдэнта ЗША Джорджа Буша. Заяўкі на ўдзел у акцыі пратэсту супраць вайны і глябалізацыі падалі больш 240 арганізацыяў. Чакаецца таксама актывізацыя прыхільнікаў ЗША. Паводле паліцыі, раён дзе будзе знаходзіцца Буш, будуць ахоўваць 10 тысячаў паліцыянтаў. Пасьля Нямеччыны Буш наведае Расею, Францыю і Італію.