СКОП'Е
Падчас вучэньняў паліцыі ў Македоніі адбыўся няшчасны выпадак – міністар унутраных справаў краіны Любе Башкоўскі параніў чатырох чалавек. Інцыдэнт адбыўся падчас стрэльбаў у выніку рыкашэту куляў. Параненыя перакладчыца з францускай амбасады, журналістка, і два паліцыянта. Прадстаўнікі паліцыі сьцьвярджаюць, што пацярпелыя не выканалі патрабаваньне адыйсьці з сэктару абстрэла. Міністэрства ўнутраных справаў Македоніі выказала шкадаваньне з нагоды інцыдэнту. На вучэньнях спецыяльных сілаў хуткага рэагаваньня прысутнічалі македонскія палітыкі, сябры ўраду і замежныя дыпляматы.