ЛЮБЛЯНА. Прадстаўнік Славеніі ў канвэнцыі аб будучыні Эўрапейскага Зьвязу заявіў сёньня, што краіны-кандыдаткі мусяць атрымаць роўныя правы ў пытаньнях рэфармаваньня Эўразьвязу. Былы славенскі прэм’ер Лёйзэ Пэтэрле зрабіў гэтую заяву на сустрэйу Міжнароднага Інстытуту Прэсы ў Любляне. У мінулым месяцы яму было даручана прадстаўляць 13 краінаў-кандыдатак у перамовах наконт магчымых рэформаў у Эўразьвязе. Усяго да 2004 году у Эўрапейскі Зьвяз плянуюць уступіць 10 краінаў.