Баграм. Камандуючы амэрыканскімі войскамі ў Афганістане заявіў, што вайсковая апэрацыя ва ўсходнім Афганістане скончыцца сёньня, аднак амэрыканская місія на гэтым ня спыніцца. Генэрал Томі Франк зрабіў гэтую заяву сёньня на авіябазе ў Баграме.
Генэрал заявіў, што апэрацыя супраць падразьдзяленьняў Аль-Кайды пад назовам “Анаконда” скончыцца ў межах 12 гадзінаў. Гэта самая маштабная баявая апэрацыя з моманту ўвядзеньня ў Афганістан амэрыканскіх войскаў.