ВАШЫНГТОН. Прэзыдэнт Злучаных Штатаў Джордж Буш сёньня папярэдзіў, што тэрарыстычныя групы спадзяюцца атрымаць доступ да зброі масавага зьнішчэньня, якую распрацоўваюць некаторыя краіны. У часе ўрачыстасьці ў Белым Доме, прысьвечанай паўгодзьдзю падзеяў 11 верасьня, Буш не назваў канкрэтна гэтыя краіны, аднак раней ён залічыў да іх Ірак, Іран і Паўночную Карэю, якія, на ягоную думку, складаюць гэтак званую «вось зла». Паводле Буша, Злучаныя Штаты ня могуць сабе дазволіць нічога не рабіць, пакуль такія краіны працягваюць ствараць зброю масавага зьнішчэньня.