БЯЛГРАД. Тысячы прыхільнікаў лідэра сэрбскай апазыцыі Вука Драшкавіча сабраліся ўчора на вуліцах гораду Крагуевац, патрабуючы правядзеньня датэрміновых парлямэнцкіх выбараў. Выступіўшы перад маніфэстантамі, Драшкавіч назваў цяперашні югаслаўскі кааліцыйны ўрад Воіслава Каштуніцы «недэмакратычным і антынародным». Ён заклікаў сваіх прыхільнікаў з Сэрбскага Руху Аднаўленьня правесьці маніфэстацыі па ўсёй краіне з патрабаваньнем правядзеньня датэрміновых выбараў.