МАСКВА. АПЭК, хутчэй за ўсё, ня зьменіць цяперашніх квотаў на здабычу нафты, -- заявіў генэральны сакратар Арганізацыі краінаў-экспартораў нафты Алі Радрыгэс. Выступаючы на прэсавай канфэрэнцыі ў Маскве пасьля перамоваў зь міністрам энэргетыкі Расеі Ігарам Юсуфавым, Радрыгэс выказаў думку, што рэзкага падзеньня ўсясьветных коштаў на нафту удалося пазьбегнуць.