ВАШЫНГТОН. Амэрыканскія навукоўцы знайшлі на паверхні Марсу вялікія зграмаджэньні лёду. Паводле НАСА, на фотаздымках, зробленых з міжплянэтнай станцыі “Марс Адысей” бачна, што значная частка плянэты ў раёне паўдзённага полюсу пакрытая ледзяной коркай таўшчынёй каля мэтру. Наяўнасьць вады на плянэце дае падставу меркаваць, што на ёй існуюць самыя простыя формы жыцьця.