КІШЫНЁЎ. Тысячы малдоўскіх студэнтаў пакінулі сёньня аўдыторыі і выйшлі на вуліцы сталіцы Малдовы, пратэстуючы супраць плянаў ураду прымусовага навучаньня расейскай мове.
Гэта другая значная акцыя пратэсту. Учора прынамсі 15 тысячаў узялі ўдзел у мірнай дэманстрацыі. Пратэсты распачаліся пасьля таго, як новы камуністычны ўрад Малдовы абвесьціў пра пляны зрабіць расейскую мову другой афіцыйнай мовай, а ў школах і ўнівэрсытэтах усталяваць яе абавязковае вывучэньне.