ВІЛЬНЯ. Сёньня літоўскі ўрад зацьвердзіў пастанову аб прывязцы нацыянальнай валюты літа да эўра паводле фіксаванага курсу. Ад 1994 году літ быў прывязаны да даляра. Прадстаўнік ураду паведаміў, што афіцыйны курс складзе 3 літы 45 цэнтаў за эўра. Пастанова ўвойдзе ў сілу ад заўтрашняга дня. Перапрывязка да эўра – адзін з этапаў падрыхтоўкі да ўступленьня Літвы ў Эўразьвяз у 2004 годзе.