КАБУЛ. Павышаныя меры бясьпекі прымаюцца ў сталіцы Афганістану напярэдадні заўтрашняй інаўгурацыі часовага ўраду краіны, кіраўнік якога Хамід Карзаі сёньня прыбыў у Кабул.
За бясьпекай падчас інаўгурацыі будуць сачыць 20 брытанскіх марскіх пэхацінцаў, якія прыбылі ў Кабул з авіябазы Баграм.
Новая адміністрацыя забараніла заўтра жыхарам Кабулу мець пры сабе зброю. Але мясцовая паліцыя і жаўнеры Паўночнага Альянсу маюць дазвол быць на вуліцах сталіцы ўзброенымі.