СУХУМІ. Улады Абхазіі цьвердзяць, што іх збройныя сілы сёньня забілі некалькі чачэнскіх і грузінскіх ваяўнікоў у Кадорскай цясьніне каля мяжы з Расеяй. У апэрацыі бралі ўдзел паветраныя і наземныя аддзелы. Прадстаўнік Міністэрства Абароны Абхазіі паведаміў, што ў цясьніне застаецца яшчэ некалькі малых групаў ваяўнікоў. Грузія заяўляе, што на працягу апошніх дзён яе паветраную прастору з расейскага боку некалькі разоў парушалі неапазнаныя самалёты. Расея абвяргае гэтыя абвінавачаньні.