БУДАПЭШТ
Джордж Сорас паабяцаў падараваць 250 мільёнаў даляраў на разьвіцьцё Цэнтральна-Эўрапейскага ўнівэрсітэту. Сорас заснаваў гэтую ўстанову 10 гадоў таму і кожны год падтрымліваў яе 20 мільёнамі даляраў. У прамове падчас сьвяткаваньня 10–годьдзя ўнівэрсітэту Сорас сказаў, што цяпер ён вырашыў адразу даць вялізную суму. Ва ўнівэрсітэце, які разьмешчаны ў Будапэшце, навучаюцца студэнты з 40 краінаў . Частка ахвяраваньня -- 100 мільёнаў даляраў – паступіць у Варшаву, дзе знаходзіцца факультэт сацыялёгіі ўнівэрсітэту.