ВАШЫНГТОН. Прэм”ер-міністар Ізраілю Арыэль Шарон заявіў, што ён высока цэніць сяброўства са Злучанымі Штатамі і асаблівыя адносіны паміж дзьвюма краінамі.
Падчас тэлефанічнай размовы зь Дзяржаўным сакратаром ЗША Колінам Паўэлам Шарон прасіў пераказаць прэзыдэнту Джорджу Бушу ўдзячнасьць за сьмелае рашэньне змагацца з тэрарызмам.
У Злучаных Штатах выклікала рэзкі пратэст выказваньне Шарона пра тое, што Захаду ня варта дамагацца ўціхамірваньня арабскіх краінаў коштам Ізраілю.
Апазыцыйныя партыі ў Ізраілі і сродкі масавай інфармацыі таксама скрытыкавалі Шарона.
Учора непадалёку ад гораду Хэўрон на Заходнім беразе Ярдану падчас сутычак зь ізраільскімі вайскоўцамі загінулі пяць палестынцаў.