МАСКВА. Прэзыдэнт Расеі Ўладзімір Пуцін правёў сёньня тэлефонныя размовы з прэзыдэнтамі Казахстану, Кыргызстану, Туркмэністану, Азэрбайджану і Ўкраіны. Тэмаю гутарак былі спосабы барацьбы зь міжнародным тэрарызмам у сьвятле трагічных падзеяў у Злучаных Штатах. Сакратар Рады Бясьпекі Расеі Ўладзімер Рушайла распачаў паездку па краінах Сярэдняй Азіі для абмеркаваньня сытуацыі ў рэгіёне. Тры сярэднеазіяцкія краіны – Туркмэністан, Узбэкістан і Таджыкістан – мяжуюць з Афганістанам.