(Вячорка: ) “Па-першае, мы былі ў Варшаве яшчэ да афіцыйнай прэзэнтацыі народнай кааліцыі “5+”. Учора гэтая прэзэнтацыя адбылася – прэзэнтацыя плятформы, сябраў кааліцыі і адзінага сьпісу кандыдатаў. Так што мы тут цяпер у новай якасьці. У Варшаве мы маем сустрэчу з удзелам польскіх парлямэнтароў, а таксама сустрэчы ў вядучых польскіх СМІ “Gazeta Wyborcza”, “Polityka”, “Wprost”, “Newsweek”. Думаю, што гэта натуральна, што наш вялікі і значны для эканомікі, палітыкі і культуры Беларусі сусед, якім ёсьць Польшча стаўся месцам нашага першага замежнага візыту”.
У гэты час у Варшаве адбываецца сустрэча прадстаўнікоў народнай кааліцыі “5+” з прадстаўнікамі польскіх партыяў. Гэтая сустрэча закрытая для журанлістаў.