Навіны 29 кастрычнiка 2000 г.

Вялікі драўляны крыж усталявалі сёньня ў раёне плошчы Перамогі віцебскія сябры кансэрватыўна-хрысьціянскай партыі БНФ. На крыжы – шыльда з надпісам: "На гэтым месцы савецкая ўлада зруйнавала буйнейшыя ў Віцебску могілкі."

Сапраўды, дзеля ўшанаваньня памяці гэрояў мінулай вайны не знайшлося ў Віцебску іншага месца, апроч старых гарадзкіх могілак. А напачатку 60-х гадоў на месцы старых могілак быў узьведзены вялізны 9-павярховы гмах – першы ў БССР каркасна-панэльны дом.

Сябры КХП БНФ хацелі ўсталяваць тут крыж дзеля вяртаньня памяці. А 13-й гадзіне крыж быў усталяваны, але праз гадзіну ён некуды зьнік.