Нягледзячы на сьвяточны дзень, сёньня гэбрайская абшчына Беларусі распачала падрыхтоўку судовага зыску да менскага выдавецтва "Праваслаўная ініцыятыва". Бо менавіта да Калядных сьвятаў і візыту Лукашэнкі ў Ізраіль у краме праваслаўнае літаратуры зьявілася кніга "Вайна па законах подласьці", у якой сьцьвярджаецца, што ХХ стагодзьдзе – гэта стагодзьдзе барацьбы сусьветнага гэбрайства з хрысьціянствам (і ў асаблівасьці – з праваслаўем). Кнігу "Вайна па законах подласьці" выдала закрытае акцыянэрнае таварыства "Праваслаўная ініцыятыва". Складальнікі кнігі Андрэй Багамолаў, Міхал Пархімовіч і Пётр Сакалоў сабралі ўсе найбольш адыёзныя антысэміцкія артыкулы, якія зьяўляліся ў беларускім і расейскім друку ў 90-я гады, а таксама ў газэтах дарэвалюцыйнае Расеі. "У Беларусі цяпер ёсьць два шляхі выбару, – пішуць аўтары ў прадмове, – або ў кабалу да Захаду, або да жыдамасонаў, якія акупавалі Расею. І ёсьць трэці шлях – застаючыся выспачкаю свабоды, стаць цэнтрам зьбіраньня славянскіх народаў для адпору сілам зла". Багамолаў і ягоныя сааўтары заклікаюць чытачоў дапамагаць Лукашэнку, якога яны называюць "абаронцам усіх славянаў". "Змова супраць Хаўрусу Беларусі й Расеі", "Хто й чым пагражае Беларусі", "Паляваньне на прэзыдэнта"… – усе гэтыя ды іншыя зламысныя пляны прыпісваюцца гэбраям. На іх сьпісваецца нават катастрофа на Чарнобыльскай АЭС. Да ліку ворагаў славянаў аднесены ня толькі самі гэбраі, але й тыя, хто заклікае да барацьбы з антысэмітызмам, да ўзаемапаразуменьня паміж народамі. Нават Папа Ян Павел ІІ, які ад імя Каталіцкае царквы папрасіў прабачэньня ў гэбрайскага народа за былы перасьлед… Фатаграфія Папы, надрукваная ў кнізе, больш нагадвае карыкатуру, а пад ёй такі подпіс: "Папа Павел ІІ дэманструе рытуальны масонскі знак, лік зьвера – 666". Наконт таго, якую рэакцыю выкліча гэтая кніга, яе складальнікі й выдаўцы не сумняюцца. Ужо на вокладцы можна ўбачыць рэзюмэ, у якім аўтары дапускаюць, што пасьля прачытаньня гэтае кнігі ў некаторых можа зьявіцца жаданьне "біць жыдоў, ратаваць Расею". Можа паўстаць пытаньне: а ці варта зьвяртаць увагу на нейкае бруднае выданьне, хіба мала падобнай літаратуры й раней прадавалася ў Менску? Варта, таму што фашызм у Нямеччыне пачынаўся якраз з выданьня й распаўсюджваньня антысэміцкіх кніг. Што тычыцца Беларусі, то калі раней тут распаўсюджвалі выключна прывазную антысэміцкую літаратуру, дык цяпер пачалі друкаваць і сваю. Як заявіў у інтэрвію "Радыё Свабода" кіраўнік гэбрайскай абшчыны Беларусі Леанід Левін, падобныя антысэміцкія кнігі не выдаваліся нават у час СССР. Тым больш пад эгідаю Праваслаўнае царквы. Таму абшчына скіравала ліст да мітрапаліта Філарэта з просьбаю патлумачыць яе выхад у сьвет. Адпраўленыя таксама лісты ў адміністрацыю Лукашэнкі і ў МЗС. Сёньня ж юрыст абшчыны распачаў падрыхтоўку зыску ў суд да выдавецтва, якое распальвае нацыянальную варожасьць. Акрамя таго, кніга будзе прадстаўленая ўвазе дэлегатаў Эўрапейскага гэбрайскага кангрэсу, які пройдзе 9-10 студзеня ў Бруселі.
Нягледзячы на сьвяточны дзень, сёньня гэбрайская абшчына Беларусі распачала падрыхтоўку судовага зыску да менскага выдавецтва "Праваслаўная ініцыятыва". Бо менавіта да Калядных сьвятаў і візыту Лукашэнкі ў Ізраіль у краме праваслаўнае літаратуры зьявілася кніга "Вайна па законах подласьці", у якой сьцьвярджаецца, што ХХ стагодзьдзе – гэта стагодзьдзе барацьбы сусьветнага гэбрайства з хрысьціянствам (і ў асаблівасьці – з праваслаўем). Кнігу "Вайна па законах подласьці" выдала закрытае акцыянэрнае таварыства "Праваслаўная ініцыятыва". Складальнікі кнігі Андрэй Багамолаў, Міхал Пархімовіч і Пётр Сакалоў сабралі ўсе найбольш адыёзныя антысэміцкія артыкулы, якія зьяўляліся ў беларускім і расейскім друку ў 90-я гады, а таксама ў газэтах дарэвалюцыйнае Расеі. "У Беларусі цяпер ёсьць два шляхі выбару, – пішуць аўтары ў прадмове, – або ў кабалу да Захаду, або да жыдамасонаў, якія акупавалі Расею. І ёсьць трэці шлях – застаючыся выспачкаю свабоды, стаць цэнтрам зьбіраньня славянскіх народаў для адпору сілам зла". Багамолаў і ягоныя сааўтары заклікаюць чытачоў дапамагаць Лукашэнку, якога яны называюць "абаронцам усіх славянаў". "Змова супраць Хаўрусу Беларусі й Расеі", "Хто й чым пагражае Беларусі", "Паляваньне на прэзыдэнта"… – усе гэтыя ды іншыя зламысныя пляны прыпісваюцца гэбраям. На іх сьпісваецца нават катастрофа на Чарнобыльскай АЭС. Да ліку ворагаў славянаў аднесены ня толькі самі гэбраі, але й тыя, хто заклікае да барацьбы з антысэмітызмам, да ўзаемапаразуменьня паміж народамі. Нават Папа Ян Павел ІІ, які ад імя Каталіцкае царквы папрасіў прабачэньня ў гэбрайскага народа за былы перасьлед… Фатаграфія Папы, надрукваная ў кнізе, больш нагадвае карыкатуру, а пад ёй такі подпіс: "Папа Павел ІІ дэманструе рытуальны масонскі знак, лік зьвера – 666". Наконт таго, якую рэакцыю выкліча гэтая кніга, яе складальнікі й выдаўцы не сумняюцца. Ужо на вокладцы можна ўбачыць рэзюмэ, у якім аўтары дапускаюць, што пасьля прачытаньня гэтае кнігі ў некаторых можа зьявіцца жаданьне "біць жыдоў, ратаваць Расею". Можа паўстаць пытаньне: а ці варта зьвяртаць увагу на нейкае бруднае выданьне, хіба мала падобнай літаратуры й раней прадавалася ў Менску? Варта, таму што фашызм у Нямеччыне пачынаўся якраз з выданьня й распаўсюджваньня антысэміцкіх кніг. Што тычыцца Беларусі, то калі раней тут распаўсюджвалі выключна прывазную антысэміцкую літаратуру, дык цяпер пачалі друкаваць і сваю. Як заявіў у інтэрвію "Радыё Свабода" кіраўнік гэбрайскай абшчыны Беларусі Леанід Левін, падобныя антысэміцкія кнігі не выдаваліся нават у час СССР. Тым больш пад эгідаю Праваслаўнае царквы. Таму абшчына скіравала ліст да мітрапаліта Філарэта з просьбаю патлумачыць яе выхад у сьвет. Адпраўленыя таксама лісты ў адміністрацыю Лукашэнкі і ў МЗС. Сёньня ж юрыст абшчыны распачаў падрыхтоўку зыску ў суд да выдавецтва, якое распальвае нацыянальную варожасьць. Акрамя таго, кніга будзе прадстаўленая ўвазе дэлегатаў Эўрапейскага гэбрайскага кангрэсу, які пройдзе 9-10 студзеня ў Бруселі.
Самае папулярнае
1