Дэмакратычныя прафсаюзы дзейнічаюць сёньня на некалькіх буйнейшых прадпрыемствах
Полаччыны. У тым ліку й на аб”днаньні “Шкловалакно”. Да апошняга часу заводзкая
адміністрацыя ня надта прыхільна ставілася да Свабоднага прафсаюзу. Аднак
нядаўна стаўленьне адміністрацыі да яго карэнным чынам зьмянілася. Чаму?
18-га лютага сёлета на прадпрыемстве была падпісаная калектыўная дамова,
у якой дырэкцыя задаволіла літаральна ўсе патрабаваньні й прозьбы сябраў
Свабоднага прафсаюзу. Прафсаюз, у прыватнасьці, атрымаў офіс з мэбляю,
тэлефонам – пра што раней не было й гаворкі.
Падобнае стаўленьне дырэкцыі можна было б назваць фэнамэнальным, калі
б не адна сур”ёзная акалічнасьць. Значную частку сваёй прадукцыі аб”яднаньне
пастаўляе ў Злучаныя Штаты Амэрыкі. І мае з таго добры прыбытак.
Аднак прыбыткі гэтыя ў пэрспэктыве могуць быць страчаныя. Бо, дзякуючы
палітыцы менскіх уладаў, Злучаныя Штаты мерацца пазбавіць нашую краіну
гандлёвых ільготаў альбо наагул спыніць гандлёвы абмен.
Сярод шэрагу прэтэнзіяў, якія Вашынгтон выказвае Менску, ёсьць і такая:
стаўленьне беларускіх уладаў да дэмакратычных прафсаюзаў. У такой сытуацыі
дырэкцыя “Шкловалакна” пачала, у меру магчымасьцяў, улагоджваць сытуацыю.
Ня так даўно дырэкцыя зьвярнулася да кіраўніцтва заводзкага Свабоднага
прафсаюзу з прозьбай напісаць ліст на адрас амэрыканскай Фэдэрацыі прафсаюзаў,
Кангрэсу вытворчых прафсаюзаў, а таксама Гандлёвай палаты ЗША і паведаміць,
што Свабодны прафсаюз і адміністрацыя “Шкловалакна” паразумеліся.
Напачатку прафсаюзныя дзеячы адмовіліся пісаць такі ліст, мяркуючы,
што стварэньне прафсаюзу - гэта канстытуцыйнае права грамадзянаў. Пасьля
падумалі і напісалі ліст.
Як паведаміў нам старшыня суполкі Свабоднага прафсаюзу “Шкловалакна”
Віктар Стукаў, у лісьце адзначаецца канструктыўныя моманты ў кантактах
дырэкцыі і прафсаюзу, але таксама прыводзяцца факты перасьледу актывістаў
дэмакратычных прафсаюзаў на іншых прадпрыемствах краіны.
Вінцэсь Мудроў, Полацак
Самае папулярнае
1