Лінкі ўнівэрсальнага доступу

Адвакатам рэкамэндуюць узгадняць інтэрвію


Беларускім адвакатам рэкамэндавана ўзгадняць свае інтэрвію журналістам з кіраўніцтвам юрыдычных кансультацый, дзе яны працуюць.

Пра гэта гаворыцца ў лісьце за подпісам старшыні Рэспубліканскай калегіі адвакатаў Віктара Чайчыца, накіраваным ва ўсе абласныя і Менскую гарадзкую калегіі адвакатаў, паведамляе БелаПАН.

Рэкамэндавана таксама ўскласьці на намесьнікаў старшыняў прэзыдыюмаў калегіяў адвакатаў абавязак вывучаць апублікаваныя інтэрвію сваіх адвакатаў, а інфармацыю пра іх накіроўваць у Рэспубліканскую калегію адвакатаў электроннай поштаю.

Як адзначаецца ў лісьце, гэтыя рэкамэндацыі зробленыя ў сувязі з тым, што «часта ў СМІ, часьцей у электронных, зьяўляюцца інтэрвію асобных адвакатаў са скажонай, у тым ліку зь віны журналістаў, інфармацыяй».

Як заявіў БелаПАН юрыст Беларускага Хэльсынскага камітэту Гары Паганяйла, у БХК чулі пра існаваньне такога ліста і «вельмі нэгатыўна» ставяцца да падобных рэкамэндацый, якія супярэчаць гарантаванай Канстытуцыяй свабодзе слова:
Любое абмежаваньне адвакатаў на прадстаўленьне інфармацыі павінна абмяжоўвацца толькі правіламі прафэсійнай этыкі і законам.

«Яна можа быць абмежаваная толькі акалічнасьцямі, якія апісаныя ў законе. Ніякая службовая асоба ня мае права замахвацца на гэтую свабоду, гэта парушэньне, якое павінна перасьледавацца паводле закону».

Паганяйла адзначыў, што Рэспубліканская калегія адвакатаў «выконвае ўжо даўно карныя функцыі, а не абараняе правы і інтарэсы адвакатаў».

Паводле праваабаронцы, фігура адваката і яго праца носяць публічны характар, таму «любое абмежаваньне адвакатаў на прадстаўленьне інфармацыі павінна абмяжоўвацца толькі правіламі прафэсійнай этыкі і законам».

У 2011 годзе шэраг адвакатаў, якія абаранялі фігурантаў справы аб масавых беспарадках 19 сьнежня 2010 году, былі пазбаўленыя ліцэнзіяў.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG