Пінскі краязнаўца Эдвард Злобін кажа, што дакладныя страты пакуль падлічыць складана, бо гальлё ўсё яшчэ ляжыць на помніках. Ён падкрэсьлівае: у некаторых месцах бачна, што па магілах ехалі машынай.
«Бачна, што камунальнікі працавалі, яны займаюцца падрэзкай дрэваў. Я палічыў, што яны падрэзалі 7–8 дрэваў да самых крон. Працавалі, відаць, аўтакранам і не зважалі, што і тонкае, і тоўстае гальлё ляціць уніз. Пад некаторымі дрэвамі былі пахаваньні, крыжы або чыгунныя помнікі, якія пакрывіліся або пакалоліся. А ў некаторых месцах яны заяжджалі па самых пахаваньнях аўтакранам», — кажа Эдвард Злобін.
Аналягічнае здарэньне было на пінскіх могілках і ўвесну 2007 году
«Тады пашкодзілі і разбурылі 42 пахаваньні, сярод іх 12 помнікаў і крыжоў зьнесьлі зусім. Цікава, што і тады, і цяпер пашкоджаныя былі пахаваньні менавіта на каталіцкіх могілках. Каталіцкія і праваслаўныя могілкі тут падзеленыя дарогай, аднак такія інцыдэнты чамусьці адбываюцца толькі на каталіцкай частцы могілак. І чамусьці падразаюць яны цалкам здаровыя дрэвы. Няхай бы запрасілі каталікоў, каб папрысутнічалі падчас падрэзкі, каб не было прэтэнзіяў», — распавёў спадар Злобін.
Краязнаўца распавёў, што цяпер прадстаўнікі Саюзу палякаў і каталіцкай грамады рыхтуюць скаргі ў гарвыканкам і камунальныя службы, каб знайшлі вінаватых у вандалізьме.
«Бачна, што камунальнікі працавалі, яны займаюцца падрэзкай дрэваў. Я палічыў, што яны падрэзалі 7–8 дрэваў да самых крон. Працавалі, відаць, аўтакранам і не зважалі, што і тонкае, і тоўстае гальлё ляціць уніз. Пад некаторымі дрэвамі былі пахаваньні, крыжы або чыгунныя помнікі, якія пакрывіліся або пакалоліся. А ў некаторых месцах яны заяжджалі па самых пахаваньнях аўтакранам», — кажа Эдвард Злобін.
Аналягічнае здарэньне было на пінскіх могілках і ўвесну 2007 году
«Тады пашкодзілі і разбурылі 42 пахаваньні, сярод іх 12 помнікаў і крыжоў зьнесьлі зусім. Цікава, што і тады, і цяпер пашкоджаныя былі пахаваньні менавіта на каталіцкіх могілках. Каталіцкія і праваслаўныя могілкі тут падзеленыя дарогай, аднак такія інцыдэнты чамусьці адбываюцца толькі на каталіцкай частцы могілак. І чамусьці падразаюць яны цалкам здаровыя дрэвы. Няхай бы запрасілі каталікоў, каб папрысутнічалі падчас падрэзкі, каб не было прэтэнзіяў», — распавёў спадар Злобін.
Краязнаўца распавёў, што цяпер прадстаўнікі Саюзу палякаў і каталіцкай грамады рыхтуюць скаргі ў гарвыканкам і камунальныя службы, каб знайшлі вінаватых у вандалізьме.