Надвор’е
У Беларусі – пахмурна, тэмпэратура – да мінус 17 градусаў.
Не прапусьціце
У вечаровым эфіры “Свабоды” – перадача «Падарожжа Свабоды». Ёсьць у сталіцы раён, сапраўднае імя якога даўно забытае менчукамі. Ад раёну засталося некалькі кварталаў драўляных дамоў. Некаторым зь якіх сто гадоў. І людзі жывуць тут з тымі ж стогадовымі выгодамі. Топяць печкі, носяць вёдрамі ваду і чакаюць зносу. Пра прадмесьце Ўбокі слухайце чарговую перадачу Зьмітра Бартосіка.
Дапамажыце больш поўна прадставіць беларускі дзень -- прышліце інфармацыю пра плянаваныя падзеі, якія ўяўляюць цікавасьць для нашых чытачоў , на адрас svaboda@rferl.org
Гэты дзень у гісторыі:
Міжнародны дзень памяці ахвяраў Галакосту
1527 — перамога войска ВКЛ на чале з Канстанцінам Астроскім над войскам крымскіх татараў на рацэ Гальшанцы
1880 — Томас Эдысан патэнтуе электрычную лямпачку
1908 — выйшаў першы нумар газэты «Мінскі кур’ер»
1913 — адбылася першая пастаноўка знакамітай камэдыі Янкі Купалы «Паўлінка».
1944 — поўнае зьняцьце блякады Ленінграда
1945 — акупацыя Асьвенцыму савецкімі войскамі (вызваленьне палонных зь лягеру Аўшвіц-Біркенаў)
1973 — падпісаныя парыскія пагадненьні аб спыненьні вайны і аднаўленьні міру ва Віетнаме
У гэты дзень нарадзіліся:
1756 — Вольфганг Амадэй Моцарт, аўстрыйскі кампазытар
1826 — Міхаіл Салтыкоў-Шчадрын, расейскі пісьменьнік
1904 — Іван Чымбург, беларускі філёзаф, кандыдат філязофскіх навук, рэктар БДУ
1935: Зіновій Бабій, беларускі сьпявак
У гэты дзень памерлі:
1901 — Джузэпэ Вэрдзі, італьянскі кампазытар
1927 — Юры Матулевіч, рымска-каталіцкі дзеяч Беларусі, Летувы й Польшчы,
2004 — Ніна Абрамчык, беларуская грамадзка-палітычная дзяячка, пісьменьніца
Цытата на памяць
Народ можа дараваць пісьменьнікам многае, але ня можа дараваць маўчаньня ў часы, калі вырашаецца яго лёс.
Максім Танк
Год таму ў загалоўках на сайце «Свабоды»
Сыстэма СІЗА не зацікаўленая ў належнай мэдычнай дапамозе вязьням
Ці «выцягне» Мясьніковіч беларусаў да ўзроўню жыцьця эўрапейцаў?
Звольненыя і адлічаныя за Плошчу
