Падставай для забароны пікету, які плянаваўся на 28 студзеня, стала тое, што заяўнік меркаваў правесьці яго ў месцы, якое ўлады ня вызначылі для масавых мерапрыемстваў. Міхал Раманцаў кажа, што заяўка знарок падавалася на ажыўленае месца. Актывіст кажа, што праводзіць яго па-за ўвагай людзей ня мае сэнсу:
«Пікет мы плянавалі супраць зьбядненьня насельніцтва. Рост цэнаў, інфляцыя, а дзяржава практычна ня робіць нічога, каб зьмяніць гэтую сытуацыю. Такую тэму мы ўзьнялі і спрабавалі пратэставаць празь пікет. Але ў нас месцы вызначаныя — два стадыёны і летняя эстрада ў гарадзкім парку. А мы заяўку падалі ў люднае месца каля цэнтральнага рынку. Таму нам і забаранілі — што гэтае месца не прадугледжана рашэньнем выканкаму. І папярэдзілі пра адказнасьць за правядзеньне несанкцыянаваных масавых мерапрыемстваў».
Плянавалася, што ў пікеце возьме ўдзел каля 30 чалавек. Спадар Раманцаў кажа, што ня бачыць сэнсу і ў абскарджваньні гэтай забароны. Ён тлумачыць, што гэта толькі забірае час і фінансы.
А вось у Баранавічах заяўнік такога ж пікету на той жа дзень — Віктар Цяпін — яшчэ не атрымаў адказу на сваю заяўку. Кіраўнік баранавіцкай гарадзкой арганізацыі «Справядлівага сьвету» падаваў заяўку на падобны сацыяльны пікет у дазволеным месцы — у Старым парку. Аднак спадар Цяпін кажа, што чыноўнікі позьняцца з адказам:
«Адказ павінен быць ня менш як за 5 дзён да заяўленай акцыі. Аднак чыноўнікі прыдумалі хітры спосаб абысьці закон. Яны дасылаюць адказ пазьней, але ставяць ранейшую дату. І ніякі суд потым іх за гэта не пакарае. Ужо былі прэцэдэнты».
«Пікет мы плянавалі супраць зьбядненьня насельніцтва. Рост цэнаў, інфляцыя, а дзяржава практычна ня робіць нічога, каб зьмяніць гэтую сытуацыю. Такую тэму мы ўзьнялі і спрабавалі пратэставаць празь пікет. Але ў нас месцы вызначаныя — два стадыёны і летняя эстрада ў гарадзкім парку. А мы заяўку падалі ў люднае месца каля цэнтральнага рынку. Таму нам і забаранілі — што гэтае месца не прадугледжана рашэньнем выканкаму. І папярэдзілі пра адказнасьць за правядзеньне несанкцыянаваных масавых мерапрыемстваў».
Плянавалася, што ў пікеце возьме ўдзел каля 30 чалавек. Спадар Раманцаў кажа, што ня бачыць сэнсу і ў абскарджваньні гэтай забароны. Ён тлумачыць, што гэта толькі забірае час і фінансы.
А вось у Баранавічах заяўнік такога ж пікету на той жа дзень — Віктар Цяпін — яшчэ не атрымаў адказу на сваю заяўку. Кіраўнік баранавіцкай гарадзкой арганізацыі «Справядлівага сьвету» падаваў заяўку на падобны сацыяльны пікет у дазволеным месцы — у Старым парку. Аднак спадар Цяпін кажа, што чыноўнікі позьняцца з адказам:
«Адказ павінен быць ня менш як за 5 дзён да заяўленай акцыі. Аднак чыноўнікі прыдумалі хітры спосаб абысьці закон. Яны дасылаюць адказ пазьней, але ставяць ранейшую дату. І ніякі суд потым іх за гэта не пакарае. Ужо былі прэцэдэнты».
