Падчас акцыі актывісты сьпявалі беларускія песьні, выклікаючы зацікаўленасьць мінакоў. У рэпэртуары былі і «Песьняры», і народныя песьні, і любімы моладзьдзю гурт NRM.
Актывіст «Дзедзіча» Сяржук Кавалько кажа, што акцыя скіраваная на папулярызацыю беларускай мовы сярод берасьцейцаў:
«Мы разам з моладзевай ініцыятывай „Аазіс“ ладзім кампанію „Наша мова“, падчас якой будзе шмат цікавых мерапрыемстваў, акцый, якія накіраваны на папулярызацыю беларускай мовы. І сёньняшняя акцыя беларускай песьні паказала, што тэма надвычай актуальная ў Беларусі. Падчас акцыі некаторыя людзі падыходзілі і замаўлялі нейкія расейскія песьні, але якое іх зьдзіўленьне было, калі яны даведваліся, што тут сьпяваюць толькі па-беларуску. Людзі кажуць, што такога дзіва яшчэ ня бачылі, беларускую песьню проста так на вуліцы пачуць сёньня немагчыма. І ў гэтым наша трагедыя».
Акцыя доўжылася з 17-й да 18-й гадзіны.
Актывіст «Дзедзіча» Сяржук Кавалько кажа, што акцыя скіраваная на папулярызацыю беларускай мовы сярод берасьцейцаў:
«Мы разам з моладзевай ініцыятывай „Аазіс“ ладзім кампанію „Наша мова“, падчас якой будзе шмат цікавых мерапрыемстваў, акцый, якія накіраваны на папулярызацыю беларускай мовы. І сёньняшняя акцыя беларускай песьні паказала, што тэма надвычай актуальная ў Беларусі. Падчас акцыі некаторыя людзі падыходзілі і замаўлялі нейкія расейскія песьні, але якое іх зьдзіўленьне было, калі яны даведваліся, што тут сьпяваюць толькі па-беларуску. Людзі кажуць, што такога дзіва яшчэ ня бачылі, беларускую песьню проста так на вуліцы пачуць сёньня немагчыма. І ў гэтым наша трагедыя».
Акцыя доўжылася з 17-й да 18-й гадзіны.