Лінкі ўнівэрсальнага доступу

За «нацыста» – турма і $ 25000 штрафу


Ультра-артадаксальны габрэй спрачаецца са сьвецкім чалавекам падчас акцыі пратэсту супраць абяцаньня ўраду ўтаймаваць габрэйскі фанатызм у Ізраілі. Сьнежань, 2011 году
Ультра-артадаксальны габрэй спрачаецца са сьвецкім чалавекам падчас акцыі пратэсту супраць абяцаньня ўраду ўтаймаваць габрэйскі фанатызм у Ізраілі. Сьнежань, 2011 году

Урад Ізраіля зацьвердзіў праект закону, які прызнае за злачынства параўнаньне кагосьці з нацыстам і злоўжываньне сымбалямі Галакосту. Дакумэнт накіраваны ў парлямэнт, паведамляе Польскае прэсавае агенцтва (PAP).

У праекце прадугледжана пакараньне турмою на паўгода і штрафам, роўным $ 25000, кожнае ўжываньне слова «нацыст» і сымбаляў Галакосту, калі яны ўжываюцца не для навучаньня, дакумэнтацыі або навуковых дасьледаваньняў.

Праект закону падрыхтаваны ў адказ на дэманстрацыі ультраартадаксальных габрэяў, якія выклікалі ўсеагульнае абурэньне, калі апранулі маленькіх хлопчыкаў ў канцлягерныя робы падчас пратэсту – як яны сьцьвярджалі – супраць распальваньня да іх варожасьці ў грамадзтве. Дэманстранты называлі паліцыянтаў нацыстамі.

Арганізацыі абаронцаў грамадзянскіх правоў крытыкуюць прапанаваны закон, кажучы, што ён парушае свабоду самавыражэньня.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG