Генэральная пракуратура Ўкраіны дазволіла былому прэзыдэнту краіны Леаніду Кучму наведаць Парыж. Пра гэта паведаміў журналістам яго адвакат Віктар Петруненка. У сакавіку сёлета супраць Кучмы ўзбудзілі крымінальную справу, у ходзе якой расьсьледуецца яго магчымая датычнасьць да сьмерці журналіста Георгія Гангадзэ. У сувязі з гэтым Кучма знаходзіцца пад падпіскай аб нявыезьдзе. Экспрэзыдэнт мусіў прасіць дазволу на выезд для ўдзелу ў круглым стале на тэму эўраінтэграцыі Ўкраіны.
Кучму дазволілі зьездзіць у Парыж
