Лінкі ўнівэрсальнага доступу

Белы дом скрытыкаваў справаздачу аб верагоднай перамозе Кадафі


Кіраўнік нацыянальнай выведкі ЗША Джэмс Клапэр і прэзыдэнт ЗША Барак Абама
Кіраўнік нацыянальнай выведкі ЗША Джэмс Клапэр і прэзыдэнт ЗША Барак Абама
Белы дом не падзяляе пазыцыі дырэктара нацыянальнай службы выведкі ЗША Джэймса Клапэра, які заявіў, што рэжым Муамара Кадафі, верагодна пераможа паўстанцаў.

Клапэр заявіў учора на слуханьнях у Сэнаце, што ня бачыць прыкметаў таго, што Кадафі зьбіраецца сысьці ў адстаўку і стварыць умовы для ўрэгуляваньня крызісу ў Лібіі. Ён зазначыў, што войскі Кадафі ўзброеныя лепей, чым паўстанцы і, верагодна, перамогуць.

Дарадца прэзыдэнта ЗША па нацыянальнай бясьпецы Том Донілон скрытыкаваў выказваньні Клапэра, заявіўшы, што міжнародная ізаляцыя рэжыму Кадафі і рашучасьць лібійскага народу зрынуць яго могуць згуляць вырашальную ролю ў вызначэньні пераможцы канфлікту ў Лібіі.
XS
SM
MD
LG