Лінкі ўнівэрсальнага доступу

Яраслаў Раманчук


Яраслаў Раманчук
Яраслаў Раманчук
Нарадзіўся 10 студзеня 1966, гарадзкі пасёлак Сапоцкін, Гарадзенскі раён, Гарадзенская вобласьць, Беларусь.

Кіраўнік навукова-дасьледчага цэнтру Мізэса, заснавальнік беларускай школы лібэральнага ўстойлівага разьвіцьця, аўтар больш за тысячу артыкулаў і шасьці кніг па эканамічнай тэматыцы, адзін з распрацоўшчыкаў антыкрызіснай плятформы Аб'яднаных дэмакратычных сілаў.

Вылучаны кандыдатам у прэзыдэнты Беларусі ад Аб'яднанай грамадзянскай партыі на выбарах 2011 году.

Скончыў Менскі дзяржаўны лінгвістычны ўнівэрсытэт, асьпірантуру Рэспубліканскага інстытуту вышэйшай школы пры Беларускім дзяржаўным унівэрсытэце, кафедра эканамічных вучэньняў. Дысэртацыя па тэме «Канцэптуальныя падыходы і парадыгмы сыстэмных эканамічных рэформаў у трансфармацыйных грамадзтвах. Параўнальны аналіз».

Працаваў выкладчыкам, журналістам, дырэктарам прадпрыемства, аналітыкам (жнівень 1990 г. – кастрычнік 1997 г).

Галоўны спэцыяліст Камісіі па эканамічнай палітыцы і рэформам Вярхоўнага Савету Рэспублікі Беларусь 13-га скліканьня.

Эканамічны аглядальнік, затым намесьнік галоўнага рэдактара, выканаўчы дырэктар штотыднёвіка «Белорусская газета» (студзень 1997 – травень 2002).

Кіраўнік «Навукова-дасьледчага цэнтру Мізэса» аналітычнага цэнтра «Стратэгія» (зь лютага 2002 г.)

У чэрвені 2010 г. Яраслаў абвясьціў аб маючай адбыцца жаніцьбе і прадставіў сябрам і калегам сваю нявесту. Яе завуць Алеся і яна таксама эканаміст.


Мае звыш за 1000 публікацый на эканамічную тэму ў розных друкаваных выданьнях.

Член Міжнароднага таварыства індывідуальных свабод, ляўрэат штогадовай узнагароды Свабоды ISIL 2003 году, Ляўрэат прэмій Фонду эканамічных дасьледаваньняў Атляс (2006-2007 гады), ляўрэат прэміі імя сэра Энтані Фішэра (па-ангельску) у 2006 і прэміі Темплтона ў 2007 годзе за кнігі «Беларусь: дарога ў будучыню» і «Бізнэс Беларусі: у крузе першым» адпаведна. Першы ад Беларусі ўдзельнік міжнароднай асацыяцыі Таварыства «Мон Пелерын».

Вядомы прадстаўнік і папулярызатар аўстрыйскай школы эканомікі ў Беларусі. Экспэрт па праблемах сыстэмных сацыяльна-эканамічных трансфармацый. Экспэрт па праблемах эўрапейскай інтэграцыі і супрацоўніцтва краін на постсацыялістычнай прасторы. Аўтар канцэпцыі інтэграцыі Беларусі ў ЭЗ, а таксама партнэрства Беларусі і Расеі.

З красавіка 2000 году – намесьнік старшыні Аб'яднанай грамадзянскай партыі. Абавязкі: міжнародныя адносіны, выпрацоўка эканамічных праграм і законапраектаў, а таксама стратэгіі разьвіцьця краіны. Аўтар альтэрнатыўнага законапраекту аб бюджэце, падатковай сыстэмы, канцэпцыі пэнсійнай, адміністрацыйнай рэформы, альтэрнатыўнага законапраекта аб прыватызацыі, ваеннай рэформе, а таксама рэформе сыстэмы аховы здароўя.

Быў вылучаны кандыдатам у дэпутаты Палаты Прадстаўнікоў па сьпісе Аб'яднаных дэмакратычных сіл на выбарах, якія адбыліся 28 верасьня 2008 году, выбары прайграў.

Са студзеня 2009 года працуе ў складзе міжведамаснай рабочай групы пры Савеце міністраў Рэспублікі Беларусь для выпрацоўкі пляну дзеяньняў па разьвіцьці краінавага маркетынгу Рэспублікі Беларусь.

У красавіку 2009 года кніга Раманчука «У пошуках эканамічнага цуду. Урокі для Беларусі "атрымала Гран-пры міжнароднай прэміі імя сэра Энтані Фішэра ад «Фонду эканамічных дасьледаваньняў Атляс» у катэгорыі« маладыя інстытуты".

31 мая 2010 г быў вылучаны ад імя Аб'яднанай грамадзянскай партыі кандыдатам у прэзыдэнты Беларусі на выбары 2011 году. У якасьці кандыдата ў прэзыдэнты прэзэнтаваў праграму «Мільён новых працоўных месцаў для Беларусі».
XS
SM
MD
LG