Новы пасланьнік ЗША паедзе ў Аўганістан і Пакістан

Фрэнк Рэджэр, прызначаны пасьля сьмерці Рычарда Холбрука выканаўцам абавязкаў спэцыяльнага пасланьніка ЗША ў Аўганістане і Пакістане, цягам гэтага тыдню ўпершыню наведае ў сваім новым статусе гэтыя дзьве краіны.

Прэсавы прадстаўнік Дзярждэпартамэнту ЗША Філіп Кроўлі заявіў, што Рэджэр плянуе надаць найперш увагу падрыхтоўцы да перамоваў па стабідізацыі рэгіёну. Перамовы ў Вашынгтоне з удзелам вышэйшых прадстаўнікоў Пакістану і Аўганістану заплянаваныя на наступны месяц.