У сталіцы Філіпін Маніле былы паліцыянт 55-гадовы Ранальда Мэндоза захапіў пасажырскі аўтобус з турыстамі з Ганконгу. Мэндоза пратэставаў супраць свайго незаконнага, на ягоную думку, звальненьня. Падчас перамоваў ён вызваліў 9 закладнікаў з 25-ці. Пасьля 12 гадзінаў перамоваў спэцназ пачаў штурм, пасьля таго, як у аўтобусе прагучалі стрэлы. У выніку штурму Мэндоза быў застрэлены. Загінулі прынамсі 7 пасажыраў аўтобуса.