Кітай распачынае маштабныя вайскова-паветраныя вучэньні. Манэўры, у якіх будуць задзейнічаныя вайсковыя і выведкавыя самалёты, верталёты і каля 12 тысяч салдатаў, пройдуць у цэнтральнай правінцыі Хэнань, а таксама ў правінцыі Шаньдун, што на ўзьбярэжжы Жоўтага мора. Раней такія вучэньні трымаліся Пэкінам у строгай сакрэтнасьці. Вайсковае камандаваньне КНР заявіла, што паведамленьні ў СМІ аб сёлетніх вучэньнях маюць прадэманстраваць жаданьне Кітаю стаць больш адкрытым.