У сьвяточных мерапрыемствах з нагоды Дня Перамогі ў Беларусі ўзялі ўдзел 1,3 мільёна чалавек.
9 траўня з 12.00 да 13.10 на рагу праспэктаў Пераможцаў і Машэрава прайшлі парад войскаў Менскага гарнізону і спартыўна-моладзевае шэсьце. За ім назіралі больш як 350 тысяч чалавек.
Ад 14.00 да 18.00 на пляцоўцы ля Нацыянальнай бібліятэкі Беларусі адбыўся сьвяточны канцэрт майстроў мастацтваў перад больш як 3 тысячамі гледачоў.
Ад 14.30 да 19.30 на надбярэжжы Сьвіслачы і праспэкце Пераможцаў, у раёне Палаца спорту ладзіліся народныя гуляньні "У пасьляваенным Менску". Тут было ня меней за 7 тысячаў чалавек.
Пра гэта БелаПАН паведамілі ва Ўправе інфармацыі і грамадзкіх сувязяў МУС.
