Сьвет учора і сёньня, 13 -- 14 красавіка
1
Людзі стаяць у чарзе да прэзыдэнцкага палацу ў Варшаве, каб разьвітацца з загінулым прэзыдэнтам Польшчы Лехам Качыньскім і яго жонкай Марыяй.
2
Пратэст у Кракаве супраць плянаў пахаваньня польскага прэзыдэнта Леха Качынскага ў склепе кракаўскага Вавэлю, сярод пахаваных польскіх каралёў.
3
Лідэры краінаў сьвету вядуць нефармальныя размовы на пачатку канфэрэнцыі ў пытаньнях ядзернай бясьпекі, якая праходзіць у Вашынгтоне.
4
Міліцыянт у цывільным схапіў удзельніка акцыі ў падтрымку свабоды слова ў цэнтры сталіцы Азэрбайджану, Баку
5
Касьмічны карабель "Атлянтыс", падвешаны ў Касьмічным цэнтры імя Кенэдзі на мысе Канавэрал у штаце Флорыда. "Атлянтыс" рыхтуюць да апошняга заплянаванага палёту 14 траўня.
6
Кітайская паліцыя ахоўвае будынак суду, дзе адбываецца працэс над былым высокім чыноўнікам, якога вінавацяць у спрыяньні арганізаванай злачыннасьці.
7
Ірацкая сям'я выходзіць з лодкі на бераг ракі Тыгр у Багдадзе. Шмат каму з іракцаў даводзіцца перапраўляцца праз раку на лодках, бо значная частка мастоў заблякаваная зь меркаваньняў бясьпекі
8
Замаскаваны удзельнік студэнцкіх пратэстаў у Коста-Рыцы. У панядзелак пачаліся сутычкі паміж паліцыяй і студэнтамі пасьля таго, як паліцыянты ўвайшлі ў студэнцкі гарадок Унівэрсытэту Коста-Рыкі, каб арыштаваць свайго калегу, якога абвінавацілі ў карупцыі.
9
Індуіст ў вёсцы Байнан каля Калькуты вісіць над вогнішчам падчас традыцыйнага рытуалу ў гонар бога Шывы.
10
Паўночнакарэйскі вайсковец назірае ў бінокаль за тэрыторыяй Паўднёвай Карэі ў памежнай вёсцы Панмунджом.
11
Жыхары Шры Ланкі сьвяткуюць традыцыйны тамільскі Новы Год, які прыпадае на 14 красавіка.
Катэгорыі
- Мультымэдыя
- Відэа
