Архіў і бібліятэка роду Сапегаў будуць пераўвасобленыя ў выглядзе электроннай копіі. На пытаньне, чаму выбар паў менавіта на Сапегаў, Уладзімер Шчасны адказаў так:
«Чаму Сапегі? Таму, што гэта, мабыць, другі па значнасьці пасьля Радзівілаў род у Беларусі. І іх архіўныя зборы — бібліятэчныя і дакумэнтальныя — супастаўляльныя. Так атрымалася, што бальшыня зь іх, калі нават не асноўная частка, апынулася ў Санкт-Пецярбургу, Таму будзем весьці перамовы з архівамі і бібліятэкамі гэтага гораду».
На этап падрыхтоўкі UNESCO ўжо выдаткавала 15 тысяч даляраў. Канчатковая сума будзе вызначана пасьля наведваньня архіваў у Санкт-Пецярбургу. Які аб’ём працы ўдасца ажыцьцявіць на гэтым этапе, высьветляць спэцыялісты, — сказаў Уладзімер Шчасны. Удзел UNESCO ў такіх праектах надае ім асаблівую значнасьць, а ўладальнікі культурных каштоўнасьцяў у такіх выпадках лягчэй ідуць на кантакт, — дадаў ён.
Вячаслаў Насевіч адзначыў: пры садзейнічаньні UNESCO ўжо рэалізуецца праект «Архіў Радзівілаў». Ён стаў першым дакумэнтальным комплексам, які прадстаўляе Беларусь у рэестры UNESCO «Памяць сьвету».
Гісторык Алег Дзярновіч наступным чынам ацэньвае гэтыя ініцыятывы:
«Для спэцыяліста, вузкага прафэсіянала гэта, вядома, не паратунак. Гэта, хутчэй, такая маленечкая дапамога. Але для папулярызацыі, пашырэньня зьвестак сярод шырэйшай публікі, я думаю, гэта карысная рэч.
Спэцыялісту, канечне, трэба працаваць з арыгіналамі. Таму і архівы патрэбныя. А калі будзе на кампакт-дыску? Гэта нават стане падказкай, дзе захоўваюцца тыя ці іншыя мэмуары, рукапісы».
«Чаму Сапегі? Таму, што гэта, мабыць, другі па значнасьці пасьля Радзівілаў род у Беларусі. І іх архіўныя зборы — бібліятэчныя і дакумэнтальныя — супастаўляльныя. Так атрымалася, што бальшыня зь іх, калі нават не асноўная частка, апынулася ў Санкт-Пецярбургу, Таму будзем весьці перамовы з архівамі і бібліятэкамі гэтага гораду».
На этап падрыхтоўкі UNESCO ўжо выдаткавала 15 тысяч даляраў. Канчатковая сума будзе вызначана пасьля наведваньня архіваў у Санкт-Пецярбургу. Які аб’ём працы ўдасца ажыцьцявіць на гэтым этапе, высьветляць спэцыялісты, — сказаў Уладзімер Шчасны. Удзел UNESCO ў такіх праектах надае ім асаблівую значнасьць, а ўладальнікі культурных каштоўнасьцяў у такіх выпадках лягчэй ідуць на кантакт, — дадаў ён.
Вячаслаў Насевіч адзначыў: пры садзейнічаньні UNESCO ўжо рэалізуецца праект «Архіў Радзівілаў». Ён стаў першым дакумэнтальным комплексам, які прадстаўляе Беларусь у рэестры UNESCO «Памяць сьвету».
Гісторык Алег Дзярновіч наступным чынам ацэньвае гэтыя ініцыятывы:
«Для спэцыяліста, вузкага прафэсіянала гэта, вядома, не паратунак. Гэта, хутчэй, такая маленечкая дапамога. Але для папулярызацыі, пашырэньня зьвестак сярод шырэйшай публікі, я думаю, гэта карысная рэч.
Спэцыялісту, канечне, трэба працаваць з арыгіналамі. Таму і архівы патрэбныя. А калі будзе на кампакт-дыску? Гэта нават стане падказкай, дзе захоўваюцца тыя ці іншыя мэмуары, рукапісы».