Лінкі ўнівэрсальнага доступу

Статкевіч: Гэта зроблена для Эўропы


Мікола Статкевіч
Мікола Статкевіч

Старшыня арганізацыйнага камітэту дзеля стварэньня Сацыял-дэмакратычнай партыі «Народная грамада» камэнтуе зьмены ў выбарчае заканадаўства.

Мікола Статкевіч:

«Усё гэта зроблена для Эўропы. Але зроблена так, каб не мяняць сутнасьць беларускай выбарчай сыстэмы, якая носіць імітацыйны характар. Нават ня зроблена спроба ўвагнаць у законныя рамкі тое, што ў нас адбываецца.

А адбываюцца фальшаваньні пратаколаў. Выбарчыя камісіі фармуюцца, як і фармаваліся, выканаўчай уладай — гэта значыць тымі, каго прызначыў Лукашэнка. Назіральнікі, як і раней, ня маюць права на падлік галасоў. Захоўваецца тое, што было раней. Толькі некалькі новых імітацыйных дзеяньняў.

І ня ўсе зь іх на карысьць дэмакратыі. Прыкладам, фінансавыя фонды ставяць апазыцыйных кандыдатаў, якія змагаюцца ня супраць уладных кандыдатаў, а супраць дзяржавы, у яшчэ больш няроўныя ўмовы. Бо мы, апазыцыйныя кандыдаты, ня можам напоўніць гэтыя фонды. А ў фонды праўладных кандыдатаў будуць прымушаць зграбаць грошы тых жа ўладных прадпрымальнікаў пад пагрозай эканамічных рэпрэсіяў. Так што, па сутнасьці, нават ня сталі рабіць выгляд, што ідзе нейкая дэмакратызацыя».
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG