Лінкі ўнівэрсальнага доступу

Час даляра мінае?


Брытанская газэта “The Independent” піша, што час даляра як галоўнай валюты для зьдзелак на сусьветным нафтавым рынку мінае.

Паводле выданьня, дзяржавы Пэрсідзкай затокі тайна дамаўляюцца з Кітаем, Расеяй і Францыяй пра адмову ад даляра ў нафтавых зьдзелках. У канцы верасьня Іран абвесьціў, што будзе трымаць свае валютныя рэзэрвы ў эўра.

Плацёжнымі сродкамі ў нафтавых кантрактах павінен стаць кошык валют, куды ўвойдуць японская ена, кітайскі юань, эўра, золата і новая адзіная валюта, якую плянуюць усталяваць для сябраў Рады супрацоўніцтва ў Пэрсідзкай затоцы.

Гэтая схема ўжо тайна распрацоўваецца кіраўнікамі мінфінаў і цэнтральных банкаў Расеі, Японіі, КНР, Бразыліі. Чакаецца, што яна можа быць рэалізаванай да 2018 года.

Штуршком да гэтых дзеяньняў сталася незадаволенасьць ўмяшальніцтвам ЗША ў глябальную фінансавую сыстэму і рост фінансавай магутнасьці Кітая.

Ваша меркаваньне

Паказаць камэнтары

XS
SM
MD
LG