«Герой!» – тысячы ўкраінцаў разьвітваюцца зь беларусам на Майдане (УЖЫВУЮ)

Украінская апазыцыя кліча пасярэднікаў з Эўразьвязу

Грыцэнка: Буду абараняцца са зброяй у руках

Да «Беркута» пайшоў парлямэнцёр

На вуліцы Грушэўскага адзін з мітынгоўцаў з нацыянальным сьцягам пайшоў на перамовы з «Беркутам». Сьведкі бачылі, як разам з міліцыянтамі ён добраахвотна ўзьняўся на адзін з пагоркаў у Марыінскім парку. У сувязі з гэтым працягваецца перамір’е. Пакуль ён не вярнуўся, паведамляе «5 канал».

У Чаркасах раззброілі міліцыянта

Учора ў Чаркасах пад час мітынгу каля будынку абласной міліцыі мітынгоўцы скралі зброю ў міліцыянта. Яго пацягнулі ў натоўп і раззброілі. Пра гэта гаворыцца ў паведамленьні прэсавай службы МУС Украіны.

Тэрыторыя пратэсту ва Ўкраіне вырасла да 8 рэгіёнаў

Сьледчыя не знайшлі сьведкаў забойстваў Жызьнеўскага і Нігаяна

Блог Валера Каліноўскага: Украінскае паўстаньне

У Віньніцы пачаўся штурм абласной рады

Пра гэта ў сваім Твітэры напісаў дэпутат Вярхоўнай рады Андрэй Шаўчэнка.

«У будынку Віньніцкай абласной рады выбухі, газ»,— напісаў ён.

«Выцягваем кіраўнікоў вобласьці да людзей», — дадаў ён.

Раней у суботу ў Віньніцы мітынгоўцы сабраліся пад будынкам абласной рады і абласной дзяржаўнай адміністрацыі. Тут праходзіць пазачарговая сэсія Віньніцкай абласной рады, — паведамляе Ўкраїнська правда.

Будынкі адміністрацый захопленыя людзьмі ўжо ў 8 з 25 абласьцей Украіны.

У Белай Царкве і Кіеве разьвітваюцца з Міхаілам Жызьнеўскім

Яшчэ адно міністэрства захопленае

Мітынгоўцы захапілі Міністэрства энэргетыкі і вугальнай прамысловасьці, паведамляе «5 канал».Раней было захопленае Міністэрства аграрнай палітыкі.

Абласная адміністрацыя ў Віньніцы захопленая

Мітынгоўцы знаходзяцца ў актавай зале і патрабуюць адстаўкі кіраўнікоў абласной адміністрацыі, — паведамляе з Віньніцы карэспандэнт «5 канала».

Гэта ўжо дзявятая абласная дзяржадміністрацыя, захопленая народам.

Міліцыя пагражае штурмам Майдану

Фоты асуджаных за ўдзел у акцыях пратэсту

На месцы гібелі Вярбіцкага паставілі помнік

Пратэсты ідуць і на Ўсходзе Ўкраіны

У Днепрапятроўску за парушэньне парадку арганізацыі і правядзеньня сходаў, і мітынгаў, вулічных шэсьцяў і дэманстрацый 24 студзень затрымалі 13 чалавек, паведамляе мясцовая міліцыя.

Як перадае УНІАН, 24 студзеня каля будынку Днепрапятроўскай аблдзяржадміністрацыі прайшоў мітынг, падчас якога некалькі сотняў маладых людзей у масках скандавалі «Ганьба!» і «Адзін за ўсіх і ўсе за аднаго».

Мітыгоўцы заклікаюць «Беркут» пераходзіць на бок народу

На вуліцы Грушэўскага ў Кіеве, дзе працягваецца перамір’е, мітынгоўцы ў мэгафоны заклікаюць байцоў «Беркута» пераходзіць на бок народу:

«Пераходзьце да людзей! Януковіч паляціць за мяжу, а вы застаняцеся тут».

Тым часам камандзір «Беркуту» вядзе перамовы са сьвятаром і валянтэрам-лекарам у кашулі з чырвоным крыжом.

У Кіеве пачалася другая канфэрэнцыя Эўрамайданаў Украіны

Як паведамляе карэспандэнт Лігабізнэсінформ удзельнікі канфэрэнцыі разьлічваюць вызначыць сваю далейшую тактыку ў новых умовах сілавых канфліктаў ва Ўкраіне і вызначыцца з удзелам у перагаворным працэсе з уладай.

МУС Украіны сьцьвярджае, што дэманстранты назапашваюць зброю

На Грушэўскага зноў неспакойна

Сытуацыя на вуліцы Грушэўскага ў Кіеве зноў абвастраецца.

Чутны асобныя стрэлы і выбухі гранат, некаторыя мітынгоўцы кідаюць у шэрагі спэцназу камяні, але іншыя крычаць, патрабуючы іх спыніцца.