Вярнуцца ў Расею Марыя Рымар зможа пасьля 24 кастрычніка, калі прысуд уступіць у сілу.
Марыю Рымар затрымалі ў менскім аэрапорце, абвінаваціўшы ў заведама лжывым паведамленьні пра тратыл ў багажы. Інцыдэнт адбыўся 7 ліпеня. Толькі праз 11 дзён Марыю Рымар вызвалілі зь СІЗА, але наклалі на яе абмежаваньні ў перасоўваньні, не дазволіўшы ехаць у Расею.
Марыя Рымар не прызнала сябе вінаватай, яна заявіла суду, што яе словы пра тратыл у багажы былі жартам.
