Крымінальная справа супроць кіроўцы, які тараніў “жывы шчыт”
Рамана Менцюка абвінавацілі паводле 317 артыкулу Крымінальнага кодэксу — парушэньне правіл дарожнага руху ці эксплюатацыі транспартнага сродку.
Маладому чалавеку, які стаў прычынай вядомай аварыі на шашы Мікашэвічы-Менск, пагражае да 2 гадоў зьняволеньня.
Нагадаем, 2 сакавіка Раман Мянцюк вёў аўтамабіль у нецьвярозым стане зь вялікай хуткасьцю і не рэагаваў на сыгналы ДАІ. Каб спыніць ліхача, на пад’ездзе да Менску міліцыянты стварылі “жывы шчыт” з чатырох прыватных аўтамабіляў. У выніку аварыі пацярпелі людзі, у тым ліку трохгадовая дзяўчынка.
Супроць афіцэраў ДАІ, якія праводзілі апэрацыю затрыманьня, пракуратура завяла крымінальную справу яшчэ 14 сакавіка. Міліцыянтаў падазраюць у стварэньні пагрозы жыцьцю людзей.