8 красавіка Эўразьвяз ініцыяваў у Сусьветнай гандлёвай арганізацыі (СГА) разьбіральніцтва адносна Расеі ў зьвязку з абвешчаным ёй эмбарга на прадукты са сьвініны з эўразьвязаўскіх краін. Адзін з аргумэнтаў – адсутнасьць аналягічнага эмбарга адносна сьвініны зь Беларусі, дзе таксама былі зафіксаваныя выпадкі афрыканскай чумы сьвіней.
Пра гэта паведамляе літоўскі партал ru.delfi.lt са спасылкай на Балтыйскае агенцтва навін BNS. Паколькі ЭЗ і Расеі не ўдалося дамовіцца паміж сабой, у Эўракамісіі не засталося іншага выйсьця, як зьвярнуцца ў СГА з патрабаваньнем правесьці афіцыйныя кансультацыі з Расеяй.
Паведамляецца, што вынікам забароны стала зьніжэньне экспарту сьвініны з ЭЗ на 25%. «Поўная забарона Расеі на ўвоз эўрапейскай сьвініны зьяўляецца відавочна непрапарцыйнай і супярэчыць правілам СГА. Гэта быў невялікі інцыдэнт, калі былі выяўленыя заражаныя дзікі каля мяжы зь Беларусьсю (у Літве), а распаўсюджваньне вірусу было спыненае адпаведнымі эўрапейскімі ведамствамі.
Эўропа будзе абараняць сваіх вытворцаў сьвініны, і ў гэтым сэнсе ў яе няма іншых магчымасьцяў, як пачаць справу ў СГА», – цытуюць агенцтвы адказнага за гандаль эўракамісара Карла дэ Гухта. У сваю чаргу, эўракамісар у пытаньнях аховы здароўя Тоні Борг адзначыў, што Расея адмаўляецца разглядаць прапанову ЭЗ аб забароне экспарту толькі з пэўных тэрыторый у Літве і Польшчы, дзе выяўленая АЧС. Пры гэтым імпарт сьвініны зь Беларусі не забараняецца, хаця там таксама былі зафіксаваныя выпадкі афрыканскай чумы. Пасьля ініцыяваньня разбору ў дачыненьні да Расеі на працягу 60 дзён зь ёю будуць ісьці перамовы. Калі яны не прывядуць да посьпеху, у Эўразьвязу зьявяцца падставы прасіць СГА стварыць камісію, якая будзе разьбірацца, ці законныя меры, якія прымае Расея.
Пра гэта паведамляе літоўскі партал ru.delfi.lt са спасылкай на Балтыйскае агенцтва навін BNS. Паколькі ЭЗ і Расеі не ўдалося дамовіцца паміж сабой, у Эўракамісіі не засталося іншага выйсьця, як зьвярнуцца ў СГА з патрабаваньнем правесьці афіцыйныя кансультацыі з Расеяй.
Паведамляецца, што вынікам забароны стала зьніжэньне экспарту сьвініны з ЭЗ на 25%. «Поўная забарона Расеі на ўвоз эўрапейскай сьвініны зьяўляецца відавочна непрапарцыйнай і супярэчыць правілам СГА. Гэта быў невялікі інцыдэнт, калі былі выяўленыя заражаныя дзікі каля мяжы зь Беларусьсю (у Літве), а распаўсюджваньне вірусу было спыненае адпаведнымі эўрапейскімі ведамствамі.
Эўропа будзе абараняць сваіх вытворцаў сьвініны, і ў гэтым сэнсе ў яе няма іншых магчымасьцяў, як пачаць справу ў СГА», – цытуюць агенцтвы адказнага за гандаль эўракамісара Карла дэ Гухта. У сваю чаргу, эўракамісар у пытаньнях аховы здароўя Тоні Борг адзначыў, што Расея адмаўляецца разглядаць прапанову ЭЗ аб забароне экспарту толькі з пэўных тэрыторый у Літве і Польшчы, дзе выяўленая АЧС. Пры гэтым імпарт сьвініны зь Беларусі не забараняецца, хаця там таксама былі зафіксаваныя выпадкі афрыканскай чумы. Пасьля ініцыяваньня разбору ў дачыненьні да Расеі на працягу 60 дзён зь ёю будуць ісьці перамовы. Калі яны не прывядуць да посьпеху, у Эўразьвязу зьявяцца падставы прасіць СГА стварыць камісію, якая будзе разьбірацца, ці законныя меры, якія прымае Расея.
