Лінкі ўнівэрсальнага доступу

Прэзыдэнты Расеі і ЗША Уладзімір Пуцін і Барак Абама даручылі кіраўнікам ФСБ і ФБР знаходзіцца ў пастаянным кантакце, каб знайсьці рашэньне адносна Сноўдэна.

Пра гэта сёньня ў эфіры тэлеканалу «Расія 24» заявіў прэс-сакратар Рады бясьпекі Расеі Мікалай Патрушаў. Ён дадаў, што рашэньне павінна быць знойдзена ў рамках нормаў міжнароднага права, аднак «гатовага рэцэпту» пакуль няма.

Цяпер былы кантрактнік амэрыканскага Агенцтва нацыянальнай бясьпекі Эдвард Сноўдэн, як мяркуецца, працягвае заставацца ў транзытнай зоне маскоўскага аэрапорта «Шарамецьцева», куды ён прыбыў больш за тыдзень таму рэйсам з Ганконга. У пачатку чэрвеня Сноўдэн распаўсюдзіў сакрэтныя дадзеныя аб праграмах электроннага сачэньня амэрыканскіх спэцслужбаў. На радзіме яму цяпер прад’яўлены шэраг абвінавачваньняў.
XS
SM
MD
LG