Лінкі ўнівэрсальнага доступу

Былы супрацоўнік ЦРУ Эдвард Сноўдэн, які прыбыў 23 чэрвеня з Ганконгу ў Маскву, працягвае заставацца ў транзытнай зоне аэрапорту Шарамецева. Пра гэта паведаміла Інтэрфаксу крыніца ў службах аэрапорту.

Улады Эквадору заявілі, што не выдавалі Сноўдэну ніякіх дакумэнтаў для ўезду ў іх краіну. Паведамленьне аб такіх дакумэнтах распаўсюдзіў заснавальнік сайту WikiLeaks Джуліян Асанж.

Сноўден папрасіў прытулку ў Эквадоры, але выглядае на тое, што хуткага адказу не атрымае. Тым часам улады ЗША анулявалі пашпарт Сноўдэна, якога вінавацяць у шпіянажы ў сувязі з тым, што ён падаў да публічнага ведама сакрэтную інфармацыю амэрыканскіх спэцслужбаў аб праграмах электроннага сачэньня.

ЗША заклікаюць Расею выдаць былога супрацоўніка ЦРУ на радзіму.

Паказаць камэнтары

XS
SM
MD
LG