Каля сотні чалавек падпісалі заяву з прапановай уключыць у мерапрыемствы па ўпарадкаваньні тэрыторыі вакол дамоў стварэньне дадатковых месцаў для паркоўкі аўтамабіляў.
Каардынатар ініцыятывы, намесьнік старшыні Менскай гарадзкой арганізацыі Партыі БНФ і кандыдат у дэпутаты гарадзкога савету сталіцы Вадзім Канапацкі сказаў Радыё Свабода:
"Незалежна ад вынікаў галасаваньня, якое адбудзецца 25 красавіка, Партыя БНФ і надалей будзе падымаць важныя для жыхароў праблемы. У часе гэтай выбарчай кампаніі на маім участку ўдалося, шляхам збору подпісаў жыхароў, дамагчыся рамонту пад'езду і наладкі асьвятленьня ў калідорах дамоў на вуліцы Захарава. Такімі кропкавымі акцыямі па ўсёй краіне мы даводзім, што нават не знаходзячыся ля ўлады, БНФ прымушае чыноўнікаў "варушыцца" і вырашаць праблемы людзей".
