ХМАРНА...
...але час ад часу выгляне сонца. Тэмпэратура: -2 — +3.НЕ ПРАХОДЗЬЦЕ МІМА:
- Сэмінар аб Эўрапейскай канвэнцыі правоў чалавека. Інфармацыйны цэнтар Рады Эўропы, Менск.
- Першыя ўгодкі грамадзкай кампаніі "Будзьма беларусамі", з музычнымі выступамі. Канцэртная заля "Мінск" (малая).
ТАМ ДЗЕ НАС НЯМА:
- У Расеі Дзень памяці ахвяраў палітычных рэпрэсій.
- У Брусэлі другі дзень саміту Эўразьвязу.
ТАКСАМА Ў ГЭТЫ ДЗЕНЬ:
- У 1937 у Менску НКВД працягвала расстрэлы беларускіх паэтаў і пісьменьнікаў. Былі забітыя Янка Нёманскі, Тодар Кляшторны і Юлі Таўбін.
- У 1938 мільёны амэрыканцаў ахапіла паніка, калі яны пачулі радыёп’есу паводле кніжкі Х.Дж. Уэлса "Вайна сусьветаў" у пастаноўцы Орсана Ўэлса, вядомага амэрыканскага кінарэжысэра і актора. Амэрыканцы падумалі, што марсіяне сапраўды высадзіліся на Зямлю.
- У 1988 у Менску адбыўся мітынг-рэквіем памяці ахвяраў сталінізму, які быў гвалтоўна разагнаны камуністычнымі ўладамі.
ЦЫТАТА НА ПАМЯЦЬ:
"Не пытай, што ты можаш зрабіць для сваёй краіны. Пытай, што будзе на абед". — Орсан Уэлс.