Лінкі ўнівэрсальнага доступу

Мы — аднае крыві. У Львове беларускія і ўкраінскія фанаты здалі кроў для параненых на Данбасе

абноўлена

Беларускія і ўкраінскія футбольныя фанаты здалі сёньня кроў для людзей, пацярпелых ў зоне баявых дзеяньняў ва Ўкраіне. Сумесную акцыю яны правялі раніцай у дзень матчу нацыянальных зборных па футболе ў Львове.

Ініцыятыва здаць кроў паступіла ад беларускіх фанатаў. Тарас Паўлаў, лідэр фан-руху львоўскай футбольнай каманды «Карпаты», расказаў пра гэта ў інтэрвію Свабодзе:

— Яны (беларусы) самі патэлефанавалі ды прапанавалі, сказалі, што будуць здаваць кроў. Сказалі нам, каб далучаліся. Так і атрымалася сумесная акцыя.

Саламія, 19-гадовая фанатка зь Львова:

— Гэта супольная акцыя фанатаў, падтрымаць нашых байцоў, якія зараз параненыя, якім патрэбная наша дапамога. Здача крыві — гэта ня так і шмат. А да беларусаў заўжы ставілася як да сапраўды брацкага народу.

Беларускі фанат Уладзімер зь Менску:

— Я прыехаў на футбол падтрымаць беларускіх футбалістаў, але і ўкраінскія футбалісты для мяне таксама браты. Я маю жаданьне нешта зрабіць для незалежнай Украіны.

Беларускія і ўкраінскія фанаты здалі кроў для параненых на Данбасе
пачакайце

No media source currently available

0:00 0:00:47 0:00

Пасьля абсьледаваньня й аналізу кроў зь львоўскай станцыі пераліваньня будзе перададзеная для патрэбаў Львоўскага вайсковага шпіталю.

Стасункі беларускіх і ўкраінскіх футбольных фанатаў не заўсёды былі сяброўскімі. Яшчэ ў 2008-м годзе ў Львове гаспадары зьбілі беларусаў на аўтавакзале, у 2001-м у Кіеве былі бойкі на Хрэшчаціку.

Аднак пасьля апошняга Майдану беларускія і ўкраінскія фанаты займелі агульныя каштоўнасьці й аб’ядналіся.

«Пуцін меў для нас іншую мадэль, — кажа Паўлаў. — Калі пачаўся Майдан, паказальна было, што адной зь першых ахвяраў быў беларус. Пасьля таго ніякіх пытаньняў (да беларусаў. — РС) не ўзьнікала».

Перад матчам зборных Украіны і Беларусі фанаты таксама маюць зладзіць сумесны марш па вуліцах Львова.

Беларускія заўзятары ў Львове

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG