Лінкі ўнівэрсальнага доступу

Суд над Андрэем Гайдуковым пераносіцца


Перад судом над Андрэем Гайдуковым 12 чэрвеня 2013
Перад судом над Андрэем Гайдуковым 12 чэрвеня 2013

Вольга Гайдукова паведаміла, што суд над яе сынам будзе працягнуты ў панядзелак, 17 чэрвеня. Так ёй сказалі адвакаты Андрэя Гайдукова.

Яны паведамілі, што хлопец трымаецца спакойна, але па-ранейшаму не зусім здаровы: гаварыць ня можа праз кашаль.

У наступны панядзелак у судзе будуць дапытваць сьведкаў. Выкліку ў суд у якасьці сьведкі спадарыня Гайдукова так і не дачакалася. Яна рыхтавалася ехаць у Віцебскі абласны суд, атрымаўшы позву. Але цяпер гаворыць, што паедзе ў Віцебск нават калі судзьдзі не захочуць слухаць яе сьведчаньні.

Пра тое, што вырак Андрэю Гайдукову будзе зачытаны публічна, і напрыканцы ў суд пусьцяць усіх, маці падсуднага сказала так:

«Гэта ўжо ня будзе мець ніякага значэньня. Калі людзям не далі паслухаць усё ад пачатку, а потым проста прачытаюць вырак, то ніхто так і не даведаецца, у чым жа вінавацяць Андрэя, за што яго лічаць шпіёнам. Як верыць таму, што мы пачуем? Як лічыць прысуд абгрунтаваным, калі па сутнасьці нічога не вядома? Навошта было рабіць з гэтага суду такую таямніцу?»

Вольга Гайдукова сказала таксама, што да яе нарэшце дайшоў ліст ад сына. Ён датаваны 8-м чэрвеня. У той час Андрэй Гайдукоў рыхтаваўся да працэсу, таму ліст кароткі. А цяпер у яго зусім іншыя задачы — даводзіць сваю невінаватасьць, кажа маці.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG